Organizimi

Përbërja dhe organizimi i Bordit të Akreditimit, me fokus në strukturën përfaqësuese dhe rolin e anëtarëve në proceset vendimmarrëse.

Bordi i Akreditimit (BA) është një organ kolegjial vendimmarrës dhe i pavarur në veprimtarinë e tij, i cili funksionon pranë ASCAL. Veprimtaria dhe funksionimi i BA-së janë të përcaktuara në ligjin për arsimin e lartë nr. 80/2015, ligjin nr. 8480, datë 27.05.1999, vendimin e Këshillit të Ministrave nr. 109, datë 15.02.2017, si dhe në rregulloren e funksionimit të tij.

BA është i përbërë nga 11 anëtarë, nga të cilët minimalisht 3 dhe maksimalisht 5 duhet të jenë të huaj. Të gjithë anëtarët janë personalitete të botës akademike me eksperiencë të gjatë në mësimdhënie dhe kërkim shkencor brenda dhe jashtë territorit të Republikës së Shqipërisë.

Anëtarët dhe kryetari i Bordit emërohen dhe shkarkohen nga Kryeministri me propozimin e ministrit përgjegjës për arsimin. Mandati i anëtarëve të BA është 4 vjet dhe bordi aktual është emëruar me urdhër të Kryeministrit nr. 191, datë 16.10.2025.